يا صقر واهنيك لك جناح تطير

لى طرى لك نزعت و طرت يم الهوى

بين قلبي و بينك فرق والله كبير

لى كفخت إنطلقت و لى كفخت التوى

أنت حايم و انا بالقاع دوبي أسير

في صحاري زماني ذيب ليلي عوى

فوق جوك سحاب و حدر جوي هجير

القدم فوق رمضا و الخفوق التوى

ويل صقر يتله مربطه لى نوى

برقعته الليالي فوق وكر قصير

عقب صفقة جناحه بالهوا لى اهتوى

كل حر إلى ضاق أنتهض للمطير

حومته بالسما ساعه لقلبه دوا

واعذاب الجناح اللي يجره كسير

كلما فز مكسور النواهض هوى