يا طيب حظي كان انا حلم دنياك

ياللي تقول اني امانك وخوفك

تحبني ادري حكالي محياك

رعشة ايدينك وارتباكة حروفك

ياللي الوفا هو بعض اصغر مزاياك

حملي ثقيل و وافيات كتوفك

تشيل همي دوم كني انا اياك

صارت ظروفي مو ظروفي ظروفك

ان جيت ابحكي عن بهاك وسجاياك

كيف اوفي اخلاقك وباهي وصوفك

اطيب قلوب الخلق ساكن بجوفك

وش لون مااحبك وهذي سواياك

وش لون مااهديك عمري بكفوفك

يا قلب قلبي وش حياتي بلا اياك

تسلم عيوني دامها هي تشوفك