LYRIC
الله يعين الروح
الله يعين الروح كم هي تمنى
شوف الحبايب ساعة عقب حرمان
والله حسيب اللي بلطفه هدنا
وقت تغير وأبدل الوصل هجران
أقفى ربيع الحب وأدهر وطنا
وشوك الثرى دسناه في درب الأحزان
خاط القدر بسلوك حكمه كفنا
وإلى حكم وش ياترى بيد الإنسان
حنا ضحايا الياس نرجي زمنا
ينظر لنا الله لو يوم بإحسان
حنا ليالينا بهوانا رمنا
حنا جنينا ونرجي الله غفران
نقضي ليالي البعد صبرٍ وحنا
ويى الفرج في تالي الصبر شتان
No comments yet