يا شيخ أشوفك شارد الذهن مشغول

الله يعينك يا نطيح الثقيله

مثلك جعله الله على الناس مسؤول

من فوق حمله حمل غيره يشيله

و مثلك يذب الريع و الحمل منقول

و مثلك كما سيف شطير و مسلول

لى كبرت القاله فصلها فصيله

ومثلك يفتح بالرجى كل مقفول

ضحكة احجاجه كل هم تزيله

لا تشغل الخاطر ترى العبد مكفول

عادات ربي في عباده جميله

و الله جعل في كل قلب دليله

آمر ترى لازمك حاصل و مزهول

بأرواحنا نشريه لو هي قليله

من راد بك شر دحرناه مخذول

و من راد بك خير نرد بمثيله

يجزاك ربي عن سجاياك بقبول

كم ناصرت يمناك معدوم حيله