طوقتني يا سيدي بالشرف طوق

يا عز راسي يا ولد تاج راسي

سلطان ما يمشي على الأرض مخلوق

مثلك يماري طيب راس و باسي

من كل مجد ماخذ الطوق مطبوق

لو تلمس بكفك على الارض من فوق

تفجرت ينبوع عقب اليباسي

و انت الدوا للي به من الوقت عوق

و انت النعاس لعين جافي النعاسي

و انت بزمانك مجد ما هو بملحوق

فيك المعالي شامخات رواسي

و لك في الشجاعه و المعزه مراسي

و لك في الوفا طبع يسوقك له الشوق

ما هو بيوم تذكر و يوم ناسي

و لك في الكرم من بد خلق الله طروق

غنى بها محمد في ليل الغلاسي

يجري بها الراعي على جرة النوق

و يدري بها الحكام لين و قاسي

و إن طاب مره يرفع الراس و يتوق

يمشي على البيدا بفخر و حماسي

و انته بطيبك كل يوم لك طروق

الطيب والله فيك يا عز راسي