LYRIC
دخيل عيونك
دخيل عيونك الوسنى
وجودك غاية انفسنا
ترى ما للسهر قيمة
بدونك يا مانسنا
لا تمشي تخرب الجلسة
بعد ماهي غدت سلسة
نعيش الاه ترنيمة
تصير اوقاتنا غلسة
ما دام الحب له ناسه
لا تمشي دام احساسه
تريث واترك الغيمة
تصب الشوق في كاسه
يا احلى انسان في همسة
وحاضر حبي وامسه
لقيتك والوفا شيمة
ظلام يردلي شمسه
تعبت اشعلك بانفاسي
واضمك طيف يا قاسي
تعبت الحزن وتقسيمه
على موال يا ناسي
No comments yet