ليتك تموت

ليتك تموت اليوم وأرتاح انا منك
ويرتاح قلبا بالخيانه طعنته

ليتك تموت وبثوبن اسود اكفنك
واطوي معك صفحة عذاب رسمته

ليتك تموت وداخل القبر انا أدفنك
وادفن مع الجثمان جرحن جرحته

ليتك تموت اليوم محدا درى عنك
غير الخفوق اللي وفالك وخنته

ليتك قبل ماتموت في صدرك اطعنك
وأصيح بأعلى الصوت حقي وخذته

يلعنك قلبي والاحاسيس تلعنك
ويلعنك دمع صادقلك نثرته

جننتي ياجعل ربي يجننك
لا واحسايف ليلي اللي سهرته

منت بكفو قلبن له سنين صاينك
منت بكفو اللي من اجلك فعلته

غدار خاين خنت قلبن مأمنك
قلبي عطاك الحب وبيدك ذبحته

وش موقفك لو كنت انا اليوم خاينك
وشهو شعورك لوفؤادك غدرته