بعد حيي

بعد حيي بعد ميتي
ابيك سراج في بيتي
تتدفيني بهمساتك … وتنهي لوعة الحرمان

ابيك اكثر معي اكثر
ابي قربك بعد واكثر
ابيك الحب ياغالي … وتبقى للغلا عنوان

غزير الشوق في دمي
ينادي والندى همي
انا مليت هوجاسي … ولوعة ماضي الاحزان

ابيك تكون لي وحدي
وابي يدك وسط يدي
لأني هايم وضامي … لشوفك يا بعد من كان

الا ياهاجري وين انت
علامك يا قمر مادمت
ابي قربك معي دايم … وتروي لهفة العطشان

بعد حيي انا مانسى
ولو تقسى انا ماقسى
ومهما يحصل ويحصل … بتبقى سيد الخلان