لبيت الندا

لبـيـت الـنـدا يالـلـي دعيتيـنـي
…… انا حاضر و امرك على راسـي

مـن مـدة وانــا نفـسـي تمنيـنـي
…….. انت اللي على بالي من الناسي

شوقـي صـار مـن لقيـاك يغرينـي
…….. وفرتي علي ما كان هوجاسي

انـا اللـي اخلـي منـزلـك عيـنـي
……. وانا اللي اخصك كامل احساسي

مثلـك مـا رأت عيـنـي مزاييـنـي
…… انتي للحسن مرجـع و مقياسـي

مـن قبـل النـدا مـدري انـا وينـي
……..قبلك وقتي الماضي علي قاسي

والله مـاحـد غـيــرك يهنـيـنـي
……… يا حلوة و يا عـذة الانفاسـي