LYRIC
ياخوي
ياخوي لا من هب نسناس غربي
يهزني شوق الحبيب المغادر
الغالي اللي جمر حبه سعر بي
من غيبته والهم في القلب هادر
اليا ذكرته عفت زادي وشربي
واهل دمع كنه السيل حادر
كن الزمن ياخوي عقبه غدر بي
والحزن وسط الروح وارد وصادر
ياخوي لا تشره علي وابتصر بي
ان كان عندك حل بالحال بادر
دور عليه بكل حي ودربي
ابو عيون فيه للسحر خادر
ادعج غنج لا مال بان السكر بي
انا اشهد انه بالحلا حيل نادر
وان ما حصل ياخوي للقبر سر بي
مالي عزا دونه ولاني بقادر
No comments yet