يا غزال

يا غزال ٍ مر من يمي يميل
يا هلابك يا هلا واحلا سلام
طاغي ٍ بالزين ابو رمش ٍ كحيل
غصن بان ٍ لا تثنى يا سلام

شافته عيني وهو يطوي الجديل
منحدر تحت النحر غطى القوام
اشهد إنه بالحلا ماله مثيل
الله اكبر ما حلا دق الوشام

من سبايب شوفته قلبي عليل
حالي جفت ما بقى غير العضام
من تولع بالهوى يصبح ذليل
خاضع ٍ مملوك في وقته يضام

في الهوى كم عاشق ٍ اصبح قتيل
كل عاشق مات له قصة غرام
ياللي صرت اليوم للروح العديل
يا هلابك يا هلا بأحلا الكلام