LYRIC
اقلقني الطار
اقلقني الطار مدري الصوت ولا حس راعيه
في تالي الليل لج الصوت واحرمني منامي
دقك على الطار شب الشوق وذكرني بطاريه
يا راعي الصوت خلى القلب يصفق في عضامي
ذكرتني باللي لا مشى خطوته عز ولابس التيه
سيد العذارى نور حسنه كسف بدر التمامي
ودي اشوفه واسأله واقطف الأزهار واهديه
وده ولاكن يخاف الناس عذالي بغرامي
حبه في قلبي تربى وربي زانه بالحسن ومعطيه
معطيه تاج الوسامه وتاج في حال الكلامي
بيته في قلبي من الأشواق والأحساس بانيه
وارويه بدمي ودمع العين واشكيله هيامي
ياصاحب القاف حمي الطار وغنيله وناجيه
وقله وليفك للقاء والوصل ياخل ضامي
No comments yet