انتهى حبك

انتهى حبك ولا انوي للرجوع
لا ولا قلبي ودادك يذكره
لآجل عينك كنت لك دايم سموع
والزعل منك حبيبي ما اقدره

لك انا اخفيت ودي في الضلوع
واترقب لين عيني تنظره
ذا جزى من بك متيم وبك ولوع
تجرح وتعطي عهود مزوره

لا تناديني وتبدي لي خضوع
لا تواسيني وتطلب معذره
لو تقول انك وفيّ ولي طيوع
لو بكيت الدمع لا ما اعبره

ولا عهد ٍ كنت انا فيه مخدوع
عقلبي الباطن وروحي تنكره
انسى اللي فات لا تذرف دموع
عافك الخاطر ودربه غيره