غرور

هو زعل ولا تغلي او تكبر او غرور
في سواليفك معايا كل شيٍ فيه لا ..
ماانت الاول ذاك الاول يزرع الدنيا زهور
رحت مني في شعور وجيتني قلبٍ سلا ..

حبنا ما يتقلد صعب تقليد الشعور
لو تعاندنا رجعنا كلنا لبعض بدلا ..
وين طيبك وين قلبك كنت تغمرني سرور
المكان بجيتك لي يمتلي حب وغلى ..

جيت متغير علي ومالك احساس وشعور
حتى ما قلت لحبيبك كيف حالك ياهلا ..
يوم تتذكر كلامي كنت انا وياك نور
حبنا ماله شبيه وكل منا له ولاء ..