الدنيا ما تسوى

يا عمري ما تسوى تنام وخاطرك زعلان
ولا به شي يستاهل .. يخلي قلبك يعاني
طلبتك كان لي خاطر تبعد عنك الاحزان
فديت عيونك الحلوه .. تبسم لو على شاني

حبيبي صار لي مده أشوفك تايه وحيران
وأنا والله لو شوفتك حزين تزود أحزاني
أنا أحبك ولا ودي تعيش بدنيتك ندمان
ترى الأيام محسوبه وتالي هالعمر فاني

تصدق .. بسمتك والله تفرح خاطري الولهان
يطير من الفرح قلبي .. وأصير بعالم ثاني
وإلا من شفتك بضيقه أحس إني أنا الغلطان
أعاتب نفسي بنفسي ولو ما كنت أنا الجاني

غلاك بداخل عروقي ولا يوصل غلاك إنسان
يمر الوقت ويثبت لك .. غلاك إن الله أحياني
بضحي بعمري لعيونك .. تنام إنتا وأنا سهران
وأنادي جروحك ل قلبي وتجي واحد ورى الثاني