وش حيلتي يا عرب

وش حيلتي يا عرب من بعد محبوبي
عزالله اني فلا يا ناس لي حيلة
عن نوح خلي ترى والله ما توبي
لا بكي عليه الغلا اليوم والليلة
ياناس ما بي صبر والعمر محسوبي
ولا دايم الا الذي نشكي وندعي له
ياناس كفوا العذل مانتو بمن صوبي
خلوني ابكي على من تلبس الشيلة
كن القمر والزين بغطاه محجـوبي
وش حالكم لو تبين طرف تكحيله
لاجله جفيت الكرى والهم مشروبي
من سافر المزيون قطعت مراسيله
حسبي على من وشا من دوبه ودوبي
خلا هل المحبوب تنحى وتشقي له
مثل ترى بالبخت والقوم ناشوا بي
يالله دخيلك تعين اللي طفح كيله