اصارع الوجدان

أصارع الوجدان في بحر الأشواق
في غبته تايه تمزق شراعي
تلعب بي الأمواج والدمع دفاق
ما بين موجه نزلة وارتفاعي
أسباب من حبه نبت وسط الأعماق
مثل المطر للأرض ينبت مراعي
يا ما كتبت اسمه على خضر الأوراق
في خافقي مكتوب اسمه رباعي
اللي يسلي خاطري كل ما ضاق
خلٍ على حالي شفوق يراعي
لا حل ذكره دمعة العين تنساق
تكتب قصيدة في حسين الطباعي
يا كثر من حولي من الناس عشاق
لكن لغيره ما وجدت اندفاعي
قلبي يدقه نازح البعد دقاق
صارت جروحه في فؤادي وساعي
يازين قلبي من عنا البعد مشتاق
ألحق عليه لا تسبب ضياعي
هذا القدر حتم علينا بالفراق
حكم القدر يا زين أمره مطاعي