هلا ياظلال الروح

هلا يا ظــــلال الروح يا زهــــرة العــــينين
هــــــلا وان تباعــــــدنا ولا حـــانت الرؤيا

تبي شــوق يملى المـوق يا فاتن اللحــظين
وانا اذوق طعــــــم الموت وبشـــوفكم احيا

تحمـــــلت من وجـــدي على بعدكم وجدين
مادري جفــــــاكم بان والاّ الدهـــر عـــــيّا

فقـــــدتك وناديـــــتك وبيّحــــت لك سرين
وغـــنيت كم غـــــنيت وكان الغناء هــــيّا

يسايرني ويتبعني ويجلس لي عـلى دربين
لكم طيف ما يبعـــد في ضــــامري فيــــّا

شـجون العيون اللي تحرّى على جـــمرين
ياما بعـــــدت هنــــــــــــاك وقلتي لي هنيّا

تعــــالي على بـــــالي يا قصــــة الحرفين
وقولي رعــــاك الله هـــذا العنـــا بيـــــــــّا

شــــعوري يصوت لك ما تسمع الصوتين
جمعت اليـأس والأنفاس وبعض العنا فيـّا

خـــذ ما تبي من شوق من حرقة الجفنين
خل الاسى والصــــمت يا صــــاحبي لـيّا