LYRIC
اخطيت في حق امي
اخطيت في حق امي مـن ردى فالـي
شالفايـده دام قصـرنـى بواجبـهـا
انا اخطيت في حقها وانا علـى بالـي
اروح واسهر ولا افضـى اروف بهـا
الام مافكرت تنسـى الضنـى الغالـي
وانا نسيت اني من الواجب اقوم بهـا
لصرت مرضان تسأل وش جرى لحالي
وانا اتهـرب ولا فكـرت اروح بهـا
تسهر تحرى رجوعي لين اذن التالـي
وانا اتضايـق لجلستهـا واحاسبهـا
معاد ينفع بكاي اليـوم علـى حالـي
امي توفـت وكثـر النـوح يعذبهـا
ياسامعين المعـذب انصحـو السالـي
لايتعـب امـه وبأفعـالـه يغلبـهـا
والله لـو ترجـع امـي ويتهيـألـي
لحج فيها لوعلى اكتافي اطـوف بهـا
No comments yet