ميت فيكي

عتم ولف الكون سكون .. بهاك الضيعة المنسية ..
نام الضو بحضن بيوت .. مش عم تغفى عيني ..
ع بيتك مافيي فوت .. اتأخرتي طلي عليّ ..
ميت فيكي ومش رح موت .. ناطر تتموتي فيي ..

وعدتيني تطلي بهالليل .. وقلتي لي جاي انطرني ..
بليل النطرة دقت الويل .. وبعدو الوعد مسهرني ..
قلبي ع المفرق مشلوح .. بلش نور الصبح يلوح ..
صار الليل بآخر روح .. ميت عم يشمت فيي ..

وينك ناطر جن الحب .. بعيني وما طليتي ..
صار البيت يحاكي الدرب .. ويسأل ع خيالك بيتي ..
وينو خيالك ما بِطِل .. والليل مسرب تيفل ..
واترجاه وقلو تيضل .. ويتأخّر بعد شويه