شقفة كون

عم فتش ع شقفة كون … مش ساكن فيها حدا
ع جناحي شيلك من هون … طير وعلّي بـ هالمدى

نسكن خلف حدود البُعد … تصير الدنيّ تشتي ورد

بصف نجوم واكتب هند..هند..هند.. ونغرق بـ بحور الندى

بكتب ع خد الليلات … كلمة تفسر أحلامي
برسم شال من الغيمات … بغطيكي لمّا تنامي

بحرس عينيكي بعيوني … بخاف من الحلم يوعوني

بصرخ هند بصوت جنوني … توعي ع صوت الصدى

رح سافر فيكي بهالليل … ع النجمة وآخد إيدك
غنّي وخلّي نجم سهيل … يرقص بليلة عيدك

كون معمّر خلف الحلم … أعملك عيد من الحلم

وعد رموشك سهم وسهم … وافتح قلبي وعايدا