شيلي الطرحه

شيلي الطرحه عن الوجه السموح
نوري كل الوجود بطلتك
املكيني بالغلا عمر وروح
زلزليني لا رميتي طرحتك

خلي عيونك على احساسك يبوح
واضحكي مشتاق اسمع ضحكتك
يكفي اللي راح من هم ونوح
صارت الدنيا عذاب بغيبتك

بغيابك ليلي القاسي شحوح
وفي غيابك بس اناجي صورتك
آه يا بلسم حياتي والجروح
الجروح تطيب ساعه شوفتك

جيت لك وبقلبي الشوق الجموح
تايه النظرات ادور نظرتك
جيت لك عاني يسابقني طموح
فسلك قلبي وعيني ضمتك

جيت لك مشتاق واحساسي يبوح
لك عبير الشوق عانق وجنتك
طاحت اشواقي على كفك تنوح
ولهفه الاشواق ضمت لهفتك