اول ابي قربك

البارحة قلبي تكدر بطاريك
يذكر ليالي لفها وقت وياك
جفيتني و اليوم والله لا أجافيك
و أترك سواليف الهواء و أتحداك

أول أبي قربك و أحبك و أداريك
يا ما زعلت و كنت أجيك أطلب رضاك
أمشي على دربك أباري خطاويك
و أتبع طريقك وين ما تروح و أنصاك

ما مل صوتي بالمحبة يناديك
و اليوم لو ناديت ما أجاوب أنداك
دامك تبي فرقاي ما عاد أنا أبيك
شفلك نديم فيك منك و شرواك

أنت السبب خليت قلبي يعاديك
تستاهل الهجران حقك و ماجاك