دخلت العصر

دخلت العصر سوق القصريه
وشفت اللي على قلبي كواني

غزال ناوي فيني بنيه
نوى قتلي ومنه الله وقاني

ربش عقلي بعد مااقبل عليه
تعطف مثل عود الخيزراني

زهمته التفت قلت الحذيه
ولا قصر بعد روحي عطاني

طلبته قلت ابي شربه هنيه
عسل سال من صافي الثماني

انا عطشان واخذ الأجر فيه
وقال ابشر ومن ريقه سقاني

وبعد مارويت قلت اسمح بجيه
تجمل ياحلو شرف مكاني

ترى روحي من اسبابك شقيه
وعقب فرقاك نومي ماهنالي

تواعدنا يجي عندي الحويه
وفالي بالوعد سيد الغوالي

وصل للبيت مركوز الشطيه
وحمدت اللي سخُر زين المعاني