الألفية

الف ٍ : اولف من جميل الكلامي ** في حب غض العود بدر التمامي
اللي سنينه خمسة عشر بالتمامي ** في وسط قلبي له قصور مبناه
الباء : بداء بالهجر مدعوج الاعيان ** ليت الهوى والحب ياناس ما كان
فرقاه شبت داخل القلب نيران ** والمبتلي لوصاح ما ينفع بكاه

التاء : تبراء ناعم العود مني ** واخلف شريك الروح به حسن ظني
ماكنت افكر يبعد الزين عني ** والقلب عاصيني ولاظني يسلاه
الثاء : ثلم قلبي وقفى عشيري ** وبحر الهوى كل ٍ يعرفه غزيري
امشي مفتح لاشك كني ضريري ** ولو ان قلبي طاعني كان عفناه

الجيم : جار الدهر والله عليه ** وفي خاطري اكتب لاهلي وصيه
واقول خصمي الزين جالي الثنية ** لا تبتلون احد ٍ من العالم سواه
الحاء : حديد ٍ جامد ٍ به كواني ** وعز الله انه يم قبري حداني
سبحان من في حب الأسمر بلاني ** هذى ثلاث سنين عايش بذكراه

الخاء : خذا المجمول قلبي بجيبه ** وخلاني اسهر بي جروح ٍ عطيبه
وهو داري ان فرقاه اكبر مصيبه ** ولونى بوسط القبر والله فلا انساه
الدال : دهاني واستمر بطريقه ** وخلا بوسط القلب مليون ضيقه
ماخذ كلامى هو غلط او حقيقه ** دبر وقلبي لاهب النار تصلاه

الذال : ذرفت دموع عيني ولا فاد ** والنوم عاده صار وقفات واقعاد
وفي وسط قلبي مثل دقات حداد ** والقلب عاصيني ولا زال يهواه
الراء : رمى في قلبي الزين جمره ** ومرت ثلاث سنين عايش بحسرة
عزي لمن مثلي تحير بأمره ** ومن أعترض بالدرب من مر يوطاه

الزاء : زماني هانني وامتحني ** وفي قبو سجن الحب دهري سجني
وكيف العمل مادام الغالي ظلمني ** لمن اشتكي من الناس واقول عزاه
السين : سل الحال والباقي اعظام ** ماعدا اطيق المشي من فوق الاقدام
امشي وانا سابح بغرفات الاحلام ** اقول يمكن بعد الاحلام القاه

الشين : شاب الراس وانا بعد شاب ** وفي وسط قلبي جرح للأن ما طاب
يالله ياللى من ترجاك ماخاب ** تجمعني باللى تسعد الروح ممشاه
والطاء : طلبت الرب لي يعيد مافات ** يجمعني بالفتان لو خمس ساعات
يمكن شريك الروح لاذكر ما فات ** يعطف علي ويعيد لي الروح برضاه

والظاء : ظنيني مانوى لى سلامه ** قاسي على حتى ولو في كلامه
ومع ذا احبه في رضاه و خصامه ** وحب الغضى من اسفل الروح مبداه
والعين : عي القلب يرضى بديله ** والروح من فرقا عشيري عليله
ارحمني ياراعي العيون الكحيله ** ومن فعل خير الله بالخير يجزاه

والغين : غرف عقلي وخلاه فاضي ** وانا بكل الى فعل فيه راضي
مادامني متهم والزين قاضي ** يحكم على باللي يريده ويرضاه
الفاء : فريد الحسن ما يسهر الليل ** وانا اقاسي الحزن والهم والويل
وادموع عيني اغرقن المناديل ** ومادام ذا حظي انا لازم ارضاه

القاف : قرد الحظ ما فيه حيله ** ومن انثنى حظه فياعزتي له
دقيقته وحده سنين ٍ طويله ** والحب لو ينباع ان كان بعناه
والكاف : كدر صفوي الزين وارتاح ** وفي وسط قلبي غارز ٍ عشرة رماح
ولولا الهوى يا ناس ما هوب فضاح ** ماكان تسهرني العيون المشاقاه

واللام : لولا الحب حاكم وجبار ** ماكنت اقبل منه ماجاء من الاعذار
وان غاب افتش عنه في كل الاقطار ** وعزي لقلب ٍ يفجعه كل ما جاه
الميم : مروا اهل سيدي عليه ** ومن بعدهم زاورت حوض المنيه
مالي جدا ياكود اصفق بيديه ** وامسح دموعي يوم قفوا واقول آه