LYRIC
ولا يرتاح
ولا يرتاح لي خاطر ولا يهدآ ابد لي بال
مدام اللي على بالي هجرني ما سأل فيني
انا مدري رحل برضاه ولا غصب وقته مال
ياليت اني لقيته قبل لا يرحل يحاكيني
حسافه يا زمان اول تعال اشكي عليك الحال
تعال ارجوك علمني حبيبي وينه وويني
تحملت المواجع في غيابه والهموم ثقال
مع إنه سبب جرحي مابي غيره يداويني
على من بشتكي همي على ليل ٍ عذابه طال
وش اسوي مدام الحظ في ظلماه يرميني
ابد ما يفرح الخاطر ولا يهدآ ابد لي بال
إلين اللي هجرني يعتذر ويعود يجيني
No comments yet