هذا انت قدامي

هذا انت قدامي اشوفك بعيني
رجلي على سكة وصالك ثقيله
ما بين جرح وخوف تاهت سنيني
فرحة زماني فوق رمشي قتيله

يا خوف قلبي منك وين انت ويني
اصلي انا المفقود مالي وسيله
خذني معك لا تشعل اليآس فيني
روحي من الهجران صارت عليله

في مفرق الأمال صافح يميني
جفف دموع ٍ من عيوني نزيله
تعبت اخفي لهفتي في ايديني
الجرح ما يقوى زماني يشيله

إن ما اجيك اليوم ولا تجيني
حقي عليك الود ماهي فضيلة
شفها غرابيل الزمن تحرتريني
دنياي في جرحي تراها كفيله