مرحبابك يا هلا

مرحبابك ياهلا = يا هلا يا مسهلا
جامعٍ زين و حلا = يا حبيب الله عطاك

انت ما مثلك بشر = يا قمر خمسة عشر
زاد همي و السهر = من هواك و من غلاك

لامني من لا درى = بي صوابٍ ما برى
لو تباع و تشترى = كان انا اول من شراك

لي لزوم و لي غرض = من عفيف الى حرض
من وقف لي و اعترض = قلت رح وانزح وراك

حاجتي يا بينها = مير ويني و وينها
عينها و ايدينها = تهلك العاشق هلاك

لا وصاة ولا خبر = يا معين اللي صبر
والله اني في خطر = منك و اتعبني هواك

المحبة و الهوى = جرحها ماله دواء
ليتني و انت سوا = غصب عن هذا و ذاك

عنك قلبي ما سلا = يا هواي من الملا
المحبة و الغلا = لك ماهي لحدٍ سواك