كبير الشوق لو تدري الوله له عهد و له حقوق

على من حن وتوله سهر ليله ومسك زامه

اعرفك يا بعد عمري جنابك في السما من فوق

واشوفك يا معالي الحب وغيري الحب ما رامه

وعيني يا نظر عيني تعادل من غلاك الموق

وانا لا لي ف روي العين وقلبي النظر سامه

وقلبي يا نبض قلبي على كثر المحبة شفوق

تلوم الناس في حبه ولا يصد للذي لامه يعل يسقى صباح فيه من شمسك طلوع شروق

يا لين الليل سهر حبك وغلاك الليل مانامه

في قلبي تنبض محبتك وانت يا نبض الخفوق

عشانك يا سمو الحب عشقت الغيم ورهامه

احن وتحن لك روحي وتحيا بشوفتك العروق

ويسفر قلبي بشوفك يعيد ويبتدي عامه

تسابق شوقي بوصلك وانت لي بالمحبة سبوق

وعندك يا عزيز الشان قدر القلب واكرامه معاك احس بالدنيا هواها حبك الماثوق

ودونك ما اروم الحب و قلبي الحب ما رامه

يبقى الطيب في قلب يحبك والعتب مرفوق

تاكد بان قلبي في غلاك يخلد ايامه

وصوتك لا سرى فيني البي يا احب مخلوق

لبيه يوم اصغي له قلبي يفارق الامه

احبك قلتها عن حب يدوم الحب وربي فوق

ويديمك يا غلا روحي وحبك في العمر دامه