LYRIC
غزال الحور
يا غزال الحور يا غاية مــــرادي
بعدكم يا زين ترى النوم ما جاني
يا غصين الموز يا قبلة الــــوادي
حالف ما انساك لو عاد تنسانـــي
كنت انا وياك في جونا الهـــــادي
جونا صافي والقلب ولهانـــــــــي
طار عقلي يا هلي وين انا غــادي
يوم قالوا مسافر كيف خلانــــــــي
عقبها النار في قلبي تـــــــــزدادي
من عشير حط في القلب نيرانــــي
ساهر بالليل دمعي على وســـــادي
حالتي عقب الغضي تجرح الدانـي
يا حسين الدل يا غاية فــــــــــؤادي
ما تناسيت لو قلبك تناسانـــــــــــي
No comments yet