صحيت جمرة

صحيت جمره و ذاب الشمع و السكر
و شلون ما أتذكرك و تمر في بالي
يا كثر حبك في قلبي و الغرام أثمر
و اتخيل اش كثر أحبك و انت في غربالي

و يحق لك يا صغير السن تتكبر
إلا على اللي يحبك يا بعد حالي
في بستمك يضحك الرمان للمرمر
و بعدي يغار الشهد من ريقها الحالي

كل الشوارع تمرك يا الحرير الحر
يا تل قلبي على لا ما تمنالي
روح وين ما تشتهي روح قد ما تقدر
أنا أول الناس في قلبك و أنا التالي

يا خلطة المسك و الريحان و العنبر
الريح تستأذنك يا الطيب الغالي
كانك تغليت تستاهل و أنا اتصبر
على تغليك و الغالي هو الغالي