رجع الربيع

رجع الربيع السابع طلع الزهر والعبير
رجع الربيع السابع وسع الخوف كتير
كل واحد منا ناطر وما حدا عارف شو ناطر
عم نسأل شو بده يصير

ونحنا رجعنا بفرح الايمان
ونحنا رجعنا بغضب الانسان
مهما طال الليل الصبح جايي
يهدر بحر الليل الصبح جايي
الزهر بيرجع يطلع بشقوق الحيطان
عالخراب وعالمدفع الدمع وع الأحزان
في عالم ضجرت
في عالم خسرت
في عالم قضوا هيدا العمر بالقلق كبرت
كلنا خسرنا
كلنا كبرنا
لكن في شي تغير من جوا وغيرنا

انتي شو رحلك؟
كل اللي جمّعهتن راحو
كل اللي صمدتهن راحو
مين اللي عرف مطرحهن؟ مين اللي اخدهن؟ هني
مين اللي هني؟ ولك هني

جومانة الحلوة اللي برجها برج الدهب
اخدوا لها يا للي جمعتهن بليالي الغنى والتعب
راحوا يروحوا بيكفي نحنا
بعدنا منمشي ومنحكي وبعدنا مطارحنا
وانا بدي هون مش رح اترك من هون

عصفور الدوري قاوم بالقرميد وما فل
والحجر الأكبر قاوم بهالجبل وما فل
ورمل الشواطي فل الدهر وهوي مافل

لا الشجرة راحت لا الدوري راح
لا الكلمة انزاحت لا الصخر انزاح

نحنا رح نبقى هون مش رح نترك من هون
البداية والنهاية والعمر كله هون