كيف ينساني وانا في البعد أعاني
كيف يجفاني وانا ما اقوى جفى
ما غفى جفني بعد هجره ثواني
وجفن عينه ليلة غيابه غفى

الأناني ما يشوف إنّه أناني
يرتجي منْك الوفا لو ما وفى
ماخذٍ منّي كثير ولا عطاني
لو خذا منّي عيوني ما اكتفى

لجل وصله ذقت منّه ما كفاني
برد ضيمه ضامني عقب الدفى
كنت أظنّه من بحر حبّه رواني
واكتشفت إنّه سرابٍ واختفى
واكتشفت إنّه سرابٍ واختفى

كيف ينساني وانا في البعد أعاني
كيف يجفاني وانا ما اقوى جفى

من طعونه وش بقى يا قلب ثاني
فوق يا قلبي ولا عنّك خفى
وان تخيّل يوم لو صار بْمكاني
ما لقى من قوّة جروحه شفى

ويش لي في واحدٍ راح ونساني
عافه الخاطر ولو عاد ولفى
من على اللوعات بصدوده حداني
حالفٍ ما كون من لان وعفى

من بلاني بالقطاعه وابتلاني
ماني اللي في سما عشقه صفى
مات عشقه واندفن والعمر فاني
ونور وصله داخل الصدر انطفى

من بلاني بالقطاعه وابتلاني
ماني اللي في سما عشقه صفى
مات عشقه واندفن والعمر فاني
ونور وصله داخل الصدر انطفى

كيف ينساني وانا في البعد أعاني
كيف يجفاني وانا ما اقوى جفى