خلاص من حبكم

خلاص من حبكم يا زيـن عزلنـا
ماعاد لي في هواكم شـف أو رادة
اللي شبكنا معـك ياحلـو يخلصنـا
يكفيني اللي حصل ما استحمل زيادة

أظن فـي حبكـم محـدٍ بغاصبنـا
واظن مانتب بعد في حلقـي قـلاده
دور علـى غيرنـا بـلاش تتعبنـا
في شرع الأجواد كل يتبع امـراده

الله يوفقـك وحـنـا الله يوفقـنـا
الناس واجد وكـم للحـب طـراده
أول رغبناك يومـك مثـل راغبنـا
ومن يطلب البعد حنا نطلب ابعـاده

أيـام كنـا غشـم يامـا تكلفـنـا
ندور رضاك مهما تكلـف بعاده
اليـوم أبشـرك ياسيـدي تعلمنـا
بدلت نوم الحزن بفراش ووسـادة