حقوق المحبه

هذا الهوى سره عجيب تسمع قصص فيها عجب
وإللي توفق في حبيب لا يزعله لأي سبب
أبسط حقوق المحبه ما تزعل من تحبه
وإن عتب في يوم قلبه ترخص الغالي عشانه
مايردك شيء عنه أوصله لو طال دربه
دايماً عليك حقه توصله حتى مكانه

خذها ياقلبي نصيحة من هداك اليوم قلبه
لاتفرط في غرامه الهوى الصادق أمانه
نادر إنك تلقى صاحب والظروف اليوم صعبة
من صفى لجله حبيبه ماصفى لجله زمانه

من جرح هالوقت قلبه يشتكي من قل طبه
وين يلقاله مداوى لا قصي وقته وخانه
كل غافل عن غرامه بكرة يندم لا تنبه
لا رحل عنه حبيبه وأفتقد منه حنانه