بومبا

الأخت الفاضلة اللي اخترتها علشان تتجوزني
فيه حد موقع بيني وبينها فيه حد ممهمزني
دي العشرة هانت بعد ما كانت بتموت في طبعي
كات تيجي بإشارة يا ألف خسارة كات خاتم في صبعي
بومبة … إدتني بومبة
بومبة … حد فقعني زومبة
يادي الليلة دي خيبة تقيلة … قطعت بيا وعهد الله
مين يتصور تيجي تحور .. على مين يا اختي على بابا
بومبة … إدتني بومبة
بومبة … حد فقعني زومبة

مين فينا ماخدش في يوم بومبة … طلعت من نافوخه
عيني ع اللي زمان لو خش مكان كل اللي فيه يدوخوا
أنا جوة مني نصيحة صرخة نفسي أصرخها
مش أي سمكة ملونة يخدعنا بطروخها
بومبة … إدتني بومبة
بومبة … حد فقعني زومبة
يادي الليلة دي خيبة تقيلة … قطعت بيا وعهد الله
مين يتصور تيجي تحور .. على مين يا اختي على بابا
بومبة … إدتني بومبة
بومبة … حد فقعني زومبة