ازعل

ازعل وعاتبني على ما طرى لك
وافعل على ما تشتهي في قتيلك
اجرح وسوي بدنيتي ما بدى لك
لكن من الفرقا تراني دخيلك..

عن شمس باكر ظلني في ظلالك
من بالتجي لا طواني رحيلك
من في حياتي غير جمرة وصالك
حتى تجاهل صفحتي من دليلك..

شتان ما بيني وبين احتمالك
في البعد حيلي ما يجي ربع حيلك
ان كنت ناوي ذبحتي بارتحالك
اخذ لعذابي نظرة تشتكيلك..

هذي يميني ضمها في شمالك
خذني من احزاني وكمل جميلك
انا اكره الفرقا وانا قلتها لك
واليوم انا عند اعترافي دخيلك..