LYRIC

يخلف الله عليه

يخلف الله عليّه يوم قلبي تدله
في هوا غرو ٍ اسمر هام قلبي وطاري
صاد قلبي مدلع وانزعه من محله
نزعة الصقر الأشقر غافلات الحباري

يا نسيم ٍ معطر مر خلي وقله
ساطي الحب حامي ساطي الحب ناري
طول فرقاه ليّه قضّت الصبر كله
يرتعش رمش عيني لويجي فيه طاري

احسب إن الموّده قبل ما احب فله
وآثره الموت الأحمر والسهر في الغداري
جيت مضنون عيني جعل ربي يحله
واسعد بحب خلي عقب ماآنا بداري

Added by

كلمات اغاني

SHARE