يا جبين الشمس

ياشقيق البدر في ليلة تمام ياجبين الشمس في عز الضحى
ياهديل اعذب ترانيم الحمام يااريج الورد لا منه صحا

لو سكت شوي عن بعض الكلام صورتك في خاطري ماتنمحى
والكلام احيان يحرجه الغرام والغزل من كثر ماهمت استحى

كيف ابسهى عنك ياحلو الملام وانت قلبي طاحنه طحن الرحى
انت ياروحي غرامي والمرام مااتنحى والله خفوقي مااتنحى

منزلك في القلب في امن وسلام لابق مابين جذعه واللحا
اعشقك عشق العطاشا للغمام والذي طرز جمالك بالسحى