LYRIC
ولا دمعه
والله ولا دمعه
باعني وظلمني هاظلمه
خاني والمني هالمه
برج الهوى اللي بنيته انا
بايديا لازم هاهدمه
لو قلبي دمع هاخسره
لو جرحي سمع هاكسره
هاعتبره ورده زرعتها
دبلت اوراقها اترموا
والله ولا دمعه
هو اللي قاد النار
هو اللي قلبه اختار
خليك يا قلبي شديد
نور شموعنا وقيد
ايه يعني لو في الايد
هتنطفي شمعه
والله ولا دمعه
انا كنت روحه ودنيته
وداويت جروحه ودمعته
كان قلبي بيته وداره
كانت عينيا سكته
الفرح كنا بنرسمه
والحلم بينا بنقسمه
معرفش قلبه ازاى قوي
وازاى عيونه قسته
والله ولا دمعه
القصه هي قصتي
والغلطه هي غلطتي
والمسرحيه ماانتهتش
ولا النهايه دمعتي
مين اللي لازم ينكسر
مين اللي لازم ينتصر
هو اللي قاد النار
هو اللي قلبه اختار
مين للي بكرا يقول يصرخه
قلبه اه يا غربتي
خليك يا قلبي شديد
نور شموعنا وقيد
ايه يعني لو في الايد
هتنطفي شمعه
No comments yet