LYRIC
وا عيني اللي
وا عيني اللي من الفرقا تهل العباير
عزاه الا اقبلت سواد الليل جاها عناها
تذكر زمان ٍ مضى دارت عليه الدواير
يا شين فرقا ضحى شيناه للي شكاها
وا كسري اللي عليه ازرت تضب الجباير
على عشير ٍ نهب عقلي وحالي طواها
جدد جروحي وخلاني على الدار حاير
من حر مابي تجي العبره والأخرى وراها
يا وجد روحي على لاما خفيّ السراير
قدايم روحي تروح وقبل يقطع رجاها
عز الله اني على شوفه غليل الضماير
هو مبتدأ لذة الدنيا وهو منتهاها
من شان ترف القدم هانت علّي الخساير
ارخصت مالي وغالي الروح يرخص غلاها
ياربي تلطف بحال اللي به الحب جاير
عزاه قلبه مريض وحاجته ما قضاها
No comments yet