من تغلى يخلى

من تغلى تخلى لو هو بالحيل غالي
ياحبيبي كفى هذا الجفا والتغلي

تفهمني على شانك سهرت الليالي
أسهر الليل من حبك ودمعي يهلي

شفت منك الجفا والصد والهجر طالي
يوم غيرك رخص عندي وجعله يولي

لويطول الجفا خطّر ٍ علي بالزوالي
حيث بعدك مرض قلبي وقربك شفاً لي

أنت محبوبي الأول ولا أرخصك تالي
كيف ترخص وحبك داخل القلب حلي

ياحبيبي جرحت القلب وأشقيت حالي
عقب فرقاك حالي سلها الحب سلي

غاب شخصك وطيفك والغلا لايزالي
أتصور خيالك بين جسمي وظلي

ياشبيه الغزال أشغلت فكري وبالي
من غلاكم وجفاك انوح محد ٍ فطن لي

وأنت يامشغل ٍ بالي من الهم خالي
لو حصلك من الفرقا مثل ماحصلي

كان في كل يوم وليل ترجي وصالي
وأن تحيرت ترسلي وأنا في محلي

أنت ظالم وأنا المظلوم واعز تالي
وأشتكي منك لك ياللي علي امتولي