شوفي حياتِك عادي
بدعيلِك بالسعادة
بس ما تدوري عا متلي
رح تتعبي عالفاضي
باب الرجوع مسكّر
اشتغلي عاحالِك أكتر
أنا حبي ما بيتكرر
متل الموت والولادة
متل الموت والولادة

ويا غضب قلبي الكان والع
هلّق عشرة تحت الصفر
عمرِك ما بيكفّي لَتعتذري
بدِك فوقو اتناعشر عمر
وإذا كان إسمِك نصي التاني
بعيش بنصي الأول بس
أنا العالم ما بكّاني
ما حا إبكي على شقفة نص

ماي وملح دمعاتِك
قطرة لَكل كذباتِك
لا الملح بيَن فيكي
ولا الماي غسَل أغلاطِك
الحية اللي بتغوي برقصا
بتختم الرقصة بعقصة
إيدِك إذا بتغمرني
حبل المشنقة بحسا
حبل المشنقة بحسا

ويا غضب قلبي الكان والع
هلّق عشرة تحت الصفر
عمرِك ما بيكفّي لَتعتذري
بدِك فوقو اتناعشر عمر
وإذا كان إسمِك نصي التاني
بعيش بنصي الأول بس
أنا العالم ما بكّاني
ما حا إبكي على شقفة نص