لي ظوا الليل

لي ضوى الليل عيني تنتظر للصباح
ولي بدأ النور ضاعت حيلتي وين اروح

ما اخبر يوم قلبي من عناه استراح
منشغل خاطري والقلب كله جروح

اشتكى الجار منّي من ونين ونياح
نوح قلبي كما طير الموده ينوح

لو درى وش جرالي كان مثلي وباح
خالي القلب ما فارق حبيبٍ مزوح

طار قلبي والعبت به هبوب الريح
طار في ساقه اللي راح عني طموح

آه انا واعذابي من زعيم الملاح
نيّته بيعذبني وانا له نصوح

يا عذولي ترى مالك بعذلي صلاح
اترك اللي تولع في سبيله يروح

لو تعذلون ما اسمع لو تصيّح صياح
اسهم الحب تقتل وين عنها بروح