كل ماقلت حظي

كل ماقلت حظي في زماني صفا … لاحت بروق حزنه وابرقت في سماي
كدرت صفو جوي عقب هاك الصفا … وابتدى الحزن يلعب في خوافي حشاي

عن وليفاًنقض عهد الهوى واختفا … عن عيوني ولا ادري وش سبايب خطاي
قلبها الطاهر اللي مايعرف الجفا … في دقايق تغير صار يرضى بجفاي

ظنتي يسمع المحبوب هرج القفا … صدق اللي يدور بالمحبه عناي
ياحبيبي ترى طرفي سهر ماغفا … من عذول المحبه وش يدور وراي

من فراقك شقى ليلي لعيني لفا … ساهراً طول ليلي وادعي في هناي
كان حبي وشوقي والغلا والوفا … هو خطايا عليك اليوم تدمح خطاي