قلوب المحبين

اتعبتي قلوب المحبين *** وانتي ما همك تعبها
يا مشغلة قلبي لك سنين *** اموت واعرف من عربها

كل تشوفه من طرف عين *** وكل تعلق في هدبها
مزيونة في كلها زين *** ومحذور لا تقطف عنبها

من دبي ولا من هل العين *** يا جنة النفس وطربها
ولا قطرية مرتع الزين *** محشومة عالي نسبها

عيشة حبيبك بين نارين *** يا حظي المذبوح جبها
مقدر على فرقاك يومين *** ومن يطفي النار ولهبها

عمانيةمن ناس غاليين *** تشغلك روحك في طلبها
او مملكتها وسط بحرين *** دانة ولا كل جذبها

عود وجرم يهزعه لين *** وعين تهزم الي رقبها
في عيونها رمح وسيفين *** وهذا انت يا جرحي سببها

والكيف طاب وزان الحين *** كويتية سكر عتبها
او قرة عيون المحبين *** سعودية ربي وهبها