غروك

شكلك نسيت ان الزمن هذا يدور ..

غروك قالولك حلو محد مثيلك
عاليت وتعاليت .. تبا كلٍ يجيلك
لا ياحبيبي مايفيدك ذا الغرور
شكلك نسيت ان الزمن هذا يدور ..

زليت عن دربك وغيبته دليلك
ولا عاد باتعرف عدوك من خليلك
بيني وبينك بالهوى حاجز وسور
شكلك نسيت ان الزمن هذا يدور ..

امواج تلعب بك الا ياويل ويلك
اش عاد باقولك روح في سبيلك
كل شي تغير وانكشف كل مستور
شكلك نسيت ان الزمن هذا يدور ..

ياما نصحتك قلتلك بطل غرورك
لاكن حسافه قد تبعت اليوم شورك
تحب التباهي ياحبيبي والضهور
شكلك نسيت ان الزمن هذا يدور ..