عليكم سلام الله

عليكم سلام الله ياهل شارع ابن زياد = ابي شوفكم ياللي هواكم شغل بالي

هواكم جرحني والغلاء بالحشاء يزداد = انا ان مت ياترف القدم فانت قتالي

عسي الصدفه اللي جمعتنا بلا ميعاد = عساها تعود بشوفة الصاحب الغالي

جروحك بقلبي بالمساء والصباح جداد = الا ياحيات الروح ماترحم الحالي

ولا انتب عن اللي صابني بالهوى نشاد = وانا العاشق المظلوم والحب غربالي

طريق الهوي مسنون من عصر ابن شداد = لاشك العرب يمشون رجلي وخيالي

انا اشوف حبك واقف لي علي المرصاد = ليارحت والا جيت بالدرب يبرالي

احبك وقلبي يالغضي يمتك ينقاد = وعقبك ترى ماني بداله ولا سالي

انا مهتوى وصلك وكثر المنا مافاد = ولا همني غيرك والشاهد الوالي

اجاهد همومك ياعذاب العباد جهاد = وخليتني مابين شامت وعذالي