صوبنا صوبنا يا الزين كله
صوبنا يا عويد الخيزرانه
كان ما لك معزّب في المحله
إقلط ولك معازيب وضمانه

تَبزِغ نجوم وتبين الأهلّه
لكن البدر يغرينا بيانه
وانت بدرٍ نهب قلبي وشلَّه
شل قلبي ولا ردّه مكانه

صوبنا صوبنا يا الزين كله
صوبنا يا عويد الخيزرانه
كان ما لك معزّب في المحله
إقلط ولك معازيب وضمانه

والعشق ما نبدّل في سجله
وانته معزّبي وكاسب رهانه
قلت من يَخفي عيونه فطن له
قلبي اللي عشق حبه وصانه

تبغي تعرف قدرك من وصل له
وتَعترض لي دلع ولا ميانه
دمت لي حب ما قلبٍ يشله
ودمت لي عشق فارق في زمانه

صوبنا صوبنا يا الزين كله
صوبنا يا عويد الخيزرانه
كان ما لك معزّب في المحله
إقلط ولك معازيب وضمانه