LYRIC
ريم نطحني
ريم ٍ نطحني داعج العين بالميـل … مع شارع البطحا ظبـي العدامـه
شفته وصوبني بنجـل المقاتيـل … سود ٍ هدبها مثل ريـش النعامـه
والخد نوره مثل نـور القناديـل … والعنق عنق اللي ربى في تهامـه
جدايلـه كنهـا احبـال مغاتيـل … ومنقش الحنا بطرررف اقدامـه
لما قرب عندي رمانـي بمنديـل … ابيض حرير وحط وسطه علامه
سلم بعين ٍ لـه هدبهـا مظاليـل … من خوفه من الناس مخفي سلامه
ياعاذلي لو شفت زيـن التعاذيـل … مالمتني فاللـي حسيـن ٍ كلامـه
يلومني بالزيـن نـاس ٍ مهابيـل … مايعذرون اللـي تزايـد غرامـه
شفني من الفرقى غدا حالي نحيل … من شاف حالي قال ذا وش علامه
رح يانديبي للقضي اخـر الليـل … خبره عن حالي وعطني مرامـه
ريم نطحني داعج العين بالميـل … مع شارع البطحا ظبـي العدامـه
No comments yet